確實，band1官津学校有義務公布詳盡DSE成績

UTB

猴子爸 發表於 24-8-24 09:46
請問你認為依家將長天定為B1C/2A, 是否反映真實情況？

因為我沒有長天的數據，不能憑空估計。不過樓上#47 Poyau 有一些數據支持，估計長天大約係B1C，近B2A的邊緣，這個推論我係同意的。另外，我亦認同 ANChan59 所講，長天係「比上不足，比下有餘」。因為在深水埗校網，長天應該係最Top嗰幾間中學。但如果同全港英中比較，長天可能會排在較後的位置。

所以，返去本帖的主題，我係贊成教育局／考試局公開學校一些基本的考試數據給公眾參考。資訊越清晰，可減低家長選錯學校的機會，亦可令外界知道學校的教學成效。

lot888

我有不同想法，不讚成將DSE 成績詳盡公開，簡短總結整體成績及highlight一些亮點已足夠。學校成績每年有上落，成績唔理想，學校及學生會被標籤，無疑給校長，老師極大壓力，學校最終只可把資源投放成績好嘅同學身上，對於其他同學，及一些德育教導，soft skill傳授等只可敬而遠之，最終投社會工作嘅人確係某方面專業，但自負。而與人溝通，如何取捨妥協而達致整體成功，這方面則較弱。如你在商場，大机構打滾多年，你會非常清楚在大老細身邊嘅紅人，通常有強勁社交手腕，而解決困難問題往往通過soft skill，而唔係強勁知識（研發机構除外）。家長要求學校公報詳盡成績，對幾多家長有實際用處？有幾多真係用來選校？如真用作選校，看看學校多年整体表現，再到學校付近行行，了解已足夠。要求詳盡成績大部份係花心友，如你或我，滿足好奇，証明自己選校正確，自己小朋友比別人優勝，追求自我感覺，這真係有必要嗎？

Sing13

DSE成績資訊最為重要的對象，就是升中選校的學生，唔公佈唔排除對學生有誤導的成份，導致入咗負增值的學校。

當唔公佈時，人哋自然對你成績有所懷疑，瞞得幾耐？最後證實時，連學校誠信都搭上。仲有下次唔公佈？當成績好轉時，就用全新格式公佈？當冇咗誠信後，人哋亦會懷疑是選擇性公佈。

lot888

無心挑机，閒時聊聊。先要分清唔公報同假消息係兩碼子嘅事。唔公報唔會產生誤導，假消息才產生誤導。如自我想像，自我解说，對號入座就係自己誤導自己，唔公報同入讀負增值學校想唔到有乜關係。再者，唔公報同你嘅懷疑一樣冇關係，反而有公報你才可懷疑數字真實性。唔公報同瞞你一樣冇關係，學校從冇誠诺你什麼而去或不去做。同樣，唔公報你可証實什麼？証實你自己想法正確？限學校有何干？最後，唔公報跟學校誠信當然冇關係，除非佢公開誠诺公報成績。

hiuching8

消費者委員會或執法部門如果收到對某商店的嚴重違規投訴，會開名叫市民唔好幫襯，但不會推銷產品服務好的商店
我諗公開試成績應該要用一樣的處理方法，教育局應該公佈嚴重負增值的學校名單，做得好或一般的學校不用公佈

Sing13

唔公報最大既原因是咩，就是學校成績不如坊間認為既評級，例如有band1 C唔公報，實際已經跌到band2A，想人哋繼續猜佢是原來評級，（實際可能是負增值），結果會誤導升中選校既學生。
如果學校成績超越坊間認為既評級，又點會唔公報？
學校一是就永遠唔公佈成績，相反，好就公佈，唔好就唔公佈，（特別是b1大部分都公佈，唔公佈既成為特別既存在），人哋點會估唔到。

chanti

Sing13 發表於 24-8-25 07:51
唔公報最大既原因是咩，就是學校成績不如坊間認為既評級，例如有band1 C唔公報，實際已經跌到band2A，想人 ...

等於升中成績唔太好的、只公佈派頭3志願%。好的話、急不及待公佈啦

UTB

Sing13 發表於 24-8-25 07:51
唔公報最大既原因是咩，就是學校成績不如坊間認為既評級，例如有band1 C唔公報，實際已經跌到band2A，想人 ...

分享一件真人真事。某間B1英中，甚少公布DSE成績。而考試局每年DSE放榜，都會向學校提供一套成績統計表。呢間學校d成績差到簡直嚇死人。精英班還勉強可以保持到B1；但係保底班大部分學生都係考得Level 1/UNCL，成績同B3C學校冇分別。所以學校一定守口如瓶，對公開試成績隻字不提，或者輕輕賴過。究其原因，學校太多嘢玩，學生亦玩到好癲，荒廢了學業。課室的學習氣氛非常薄弱。佢哋以為自己係B1生，低估了DSE的難度。另外，學校環境過於安逸，校方亦變得不思進取，學校每年只是流水作業式地運作。班教師覺得自己教緊名校，不需用心教班學生都識得去補習／自己搞掂。

jesswu

UTB 發表於 24-8-25 11:54
分享一件真人真事。某間B1英中，甚少公布DSE成績。而考試局每年DSE放榜，都會向學校提供一套成績統計表。 ...

路過。。
那麼，這間學校依然能夠收足B1生B成為中學？

UTB

jesswu 發表於 24-8-26 08:36
路過。。
那麼，這間學校依然能夠收足B1生B成為中學？

Yes。可能有人已經知係邊間，不過我唔想亦唔會開名。

19801980

UTB 發表於 24-8-25 11:54
分享一件真人真事。某間B1英中，甚少公布DSE成績。而考試局每年DSE放榜，都會向學校提供一套成績統計表。 ...

無意挑機，如果這間中學成績同B3冇乜分別，很難想像EDB仍然給這間學校英中資格。

猴子爸

19801980 發表於 24-8-26 09:19
無意挑機，如果這間中學成績同B3冇乜分別，很難想像EDB仍然給這間學校英中資格。
...

这就是为什么我坚持全港114间英中应该要公布中英数5+%的原因，英中资格- 只在乎收的学生掂不掂，但不care之后的DSE成绩的。
所以，循道中学是非常委屈的，DSE成绩是B1C，但不可以做全英中；某些成绩差到不敢公布的学校，却悠哉游哉地无了期做英中，尽收B1 学生。
那些评论说什么公布成绩就会造成标签压力等等，我觉得是多余的，如果是这样，为什么有消费者委员会，定期测试不同产品？ 如果我是产品老板，为什么要标签我，对我施加压力？政府不是要保护中小企的吗？我有对香港经济作出贡献的，我的产品便宜实用，造福万民的，为什么要公布我的测试结果，硬要分高低？

UTB

19801980 發表於 24-8-26 09:19
無意挑機，如果這間中學成績同B3冇乜分別，很難想像EDB仍然給這間學校英中資格。
...

英中資格係睇小六／升中嘅成績，而不是DSE的成績。

佢嘅精英班公開試仍然有B1水準，但非精英班就冇，甚至差到落B3水平。我最初睇到都大感意外。

其實只要考評局肯公開全港每間學校公開試考試一些基本統計數據，真相自然大白，沒有爭議的餘地。

猴子爸

UTB 發表於 24-8-26 10:01
英中資格係睇小六／升中嘅成績，而不是DSE的成績。

佢嘅精英班公開試仍然有B1水準，但非精英班就冇，甚至 ...

这个情况，公布3322就有必要了。

Sing13

19801980 發表於 24-8-26 09:19
無意挑機，如果這間中學成績同B3冇乜分別，很難想像EDB仍然給這間學校英中資格。
...

唔公佈成績既好處，呃到band1生入嚟，就可以繼續做英中。
學生中五中六先知道學校真實成績，到時唔止洗濕個頭，頭都就快洗完了。

ucw

回覆 猴子爸 的帖子

簡單D

學校要求啲申請報讀嘅學生家長畀嘅成績資料有幾詳盡

畀返家長嘅學校整體成績資料就相應有幾詳盡

UTB

猴子爸 發表於 24-8-26 09:56
这就是为什么我坚持全港114间英中应该要公布中英数5+%的原因，英中资格- 只在乎收的学生掂不掂，但不care之 ...

你道出了香港部分中學的劣根性：太平盛世、冇收生壓力、冇競爭對手時，學校就懶懶閒，有問題又唔肯處理，收到意見都當耳邊風。一旦危機來臨，尤其係收生不足，有殺校威脅時，學校就拼命掙扎，死做爛做，急急救亡。到正式被宣佈停辦，就大聲疾呼，話學校已經做咗大量工作，怪當局無情冷血……但佢哋可有回想過，當學校沒有收生壓力時，他們是多麼的懶惰，多麼的沒有危機感？

PTL_L

UTB 發表於 24-8-25 11:54
分享一件真人真事。某間B1英中，甚少公布DSE成績。而考試局每年DSE放榜，都會向學校提供一套成績統計表。 ...

請問，以你所知，多唔多呢一類學校？即114間英中中有冇話知幾多%？

猴子爸

ucw 發表於 24-8-26 10:29
回覆 猴子爸 的帖子

簡單D

“學校要求啲申請報讀嘅學生家長畀嘅成績資料有幾詳盡“。

其实不需要”成绩表“，只要他们提供全港”rank order", 已经可以吓死他们。